香港新浪網 MySinaBlog
« 上一篇 | 下一篇 »
靚靚 | 10th Sep 2006, 16:08 PM | 女朋友的故事 | (469 Reads)

阿Sam給我的地址在西貢,清水湾道.我諗:"揸唔揸車好呢?"

结果我從彩虹打的去,諗住飲左酒可以Call的士返屋企.

上了的士,讀了個地址俾司機聽,司機大佬話:"乜今晚噤多人去果度,開party呀?"

我忽然覺得自已好in,答問道:"係呀,生日派對呀,你仲車左乜野人去呀?"

司機大佬答:"其他兩車客囉.好似好熱鬧敢.仲唱晒歌.又幾靚仔,如果唔講以為係去TVB唱歌比賽添."

"啊!"我心諗,"有靚仔,不過係後生果隻."

當的士停下來的一刹,我簡直傻左,原來阿Sam屋企係獨立屋,唔係村屋果隻,係有花園同泳池.

落左車,行入花園,經過泳池,開始聽到音樂聲,跟住到左大門口,裏面好光猛,但係無人聲.

我响了門鈴,開門的人正是阿Sam.

穿上了和服的Sam,鞠了個躬.我遞上了送禮用的一瓶紅酒,Sam笑了接下,轉身示意我跟着.

一路領我到了一間房,Sam 說:"今晚主題是Geisha, 換衫吖."

Sam 離開了房,我翻着衣架上的costume覺得好有意思.我选了一套絲質的kimono,乱缚一通,又束起了頭髮,行出房間,朝音樂方向行.

音樂從後園傳來,那裏搭了一個亭,亭內坐了六七個人,阿Sam是唯一的女子,她向我招手,我走過去坐在他們中間,阿Sam介绍我给各人.

我是雪子 (嘩,我從未如此看我的膚色,原來自己好白吓.)

坐阿Sam右邊的是留法artist,水水.竞然有八字鬚同一雙微絲細眼,左手摟着Sam的細腰,右手舉杯喝红酒.

我坐在水水的對面,左邊是將軍,他的手臂好粗,規規舉舉的坐着,臂肌都碰到我的左胸,他是否感覺到呢?

我右邊坐着一個看似吳彥祖的年青人,叫Daniel,他說今晚自己要扮記者,來探訪阿Sam四十不老之謎.

Sam左手邊的是医生,Eson,他右手摟著Sam的細腰,左手在哄雪茄.好cool,但好姣.

座上還有寿司師傅,即席造日本魚生菜色.還有一對歌手,即席唱unplug.好正!

席上,Sam叫我表演跳舞,水水竞然一手拉起我跳tango.

Daniel 又hold 住我跳waltz, 最後我自己跳了一隻jazz ballet 賀阿Sam生日.

Eson 同 将軍講左好多有味笑話,阿Sam成晚净係笑,無乜講野. 但飲飽食醉之後,Sam竟然說:"好喇,現在到競投雪子的初夜...."