香港新浪網 MySinaBlog
« 上一篇 | 下一篇 »
靚靚 | 10th Sep 2006, 08:50 AM | 女朋友的故事 | (438 Reads)

我是一個工作忙碌,生活寂寞,三十出頭,嫁幸無期的女人.

好想有個愛自己的男人,但已經試過一切正確及不正確的交往途徑,都没有好结果,於是疊埋心水,諗住戒男色,專注愛自已.

Ni種諗法只维持了幾年,我漸漸覺得無晒衝勁去扮靚,同班女朋友飯局來來去去都係講果D野.我開始好miss男人.雖然都有一班gay男好友,但始終有得睇無得洗,只可望梅止渴.我的虚榮心仍然好想要一個真正的男人,可以一齊去街,一齊做gym,一齊去旅行....

我的運氣终於來了,上個禮拜去做spa的時候認識了阿Sam.

阿Sam係我去間Zen Spa裹面間新開Juice Bar 的老闆.

高.slim.長髮.dark.大眼,說話慢條斯理,濃而不做作的鼻音,總掛著一臉神秘的微笑.

那一天,剛完成了一個大project,受了老板和客仔一大輪的污氣,想做spa relax 吓,之後坐在新開的juice bar 人還是呆呆的.

一把磁性的聲音傳來,說: "想唔想開心翻?"

我轉頭一看,有一杯粉红色液體在我眼前搖動,杯之後有一双瞳瞳大眼和一副弯弯的咀唇.

我一口盡了那石榴汁,看清了大眼和咀唇的主人,答:

"Ni杯野好似未夠使我開心播."

大眼主人低一低頭,嘆了一口氣,說:

"I am Sam. 你剛喝了我的秘方,要多一陣至會生效."

我閉上眼晴,良久,心情真的似是鬆了一鬆,但還是戚戚然.於是说:

"阿Sam,如果一杯無效,仲有乜法子?"

"今晚你得唔得閒?"Sam 問.

我其實有约去睇Ballet,但好想知阿Sam有乜proposal. 於是問:

"Depends on what's up."

阿Sam:"想唔想跳出你生活的小框框,識D新朋友?"

我正在悠疑,Sam 給了我一個肯定的微笑,遞了一張有地址和一個logo的咭片給我.

Story Pix

阿Sam 說:"來探吓Ni 個俊男俱樂部--係我屋企."

"仲有,今晚我四十歲生日會,會好高興."

我看着Sam那一張臉,嘩,四張野仲噤靚,可能真係有D秘方,於是我接受邀請.