香港新浪網 MySinaBlog
« 上一篇 | 下一篇 »
靚靚 | 12th Oct 2008, 14:31 PM | 鬼.狐.仙.怪.殺人狂 | (295 Reads)

Picture 

金融海嘯, 冲走了多年辛苦經營的中港運輸公司, 幸而阿强深懂馬死落地行之道, 自己有多種不同車輛的架駛執照, 不做老板就幫人揸車啦; 由於單身又不揀擇, 好快給他找到一份工作 -- 速遞公司的司機,  第一天上班就要當夜班.

Picture

 吃過晚飯阿强便上班去, 老板着他用小綿羊送了幾轉信件包裹, 之後改揸貨van, 要送貨上深圳, 交貨後要再接貨, 早上六時前要送回香港. 

阿强準時在深圳交收, 當他到達接貨地址的時候, 心中打了個瘩, 那裏是一間私家醫院, 他要接的竟然是副棺材, 交貨時醫院的忤工告訴阿强, 棺材中的少女是香港人, 獨自在深圳工作, 不幸心臟病發去世, 家人領了遺體就急著要送她回港, 寧願花多點錢用速遞; 忤工還提醒第一次運死屍的阿强, 要對遺體必恭必敬, 要小心揸車, 務必要令死人都坐得舒舒服服.  阿强满口答應, 但心中只有一句話: Dum得咁恆得咁恆, D甩難

Picture

van在零晨的公路上飛馳, 阿强望也不敢望車箱中的棺木, 伴着他只有倒退的街燈和接收不靈的收音機; 忽然公路旁放了一個打著大箭咀的公路維修燈箱, 有幾個交通員引導着公路上稀少的車流改道, 依指示阿强的貨van要繞過一條村路, 才可以折回下一段的公路.  這一個阻滯打散了阿强的如意算盤, 更糟的是 -- 村路又黑又凹凸不平, 阿强記掛著忤工的囑咐, 將車駛得好慢好慢, 唯恐他的乘客坐得不舒服. 

Picture

駛着駛着, 漆黑中車頭燈照到一個手持紙板的人影, 紙板上寫着: 火車站?  阿强心想: 黐線.  脚下趕緊加油繞過那個人, 當他駛過那個人時, 不屑地向他一望, 怎料他見不到那人的人頭, 只見到穿著衣服的身體持著紙板, 想截停他的貨van,

Picture

嚇得阿强踏盡油門, 叫貨van没命地向前衝, 那恐怖的無頭人很快便消失在絶麈中; 阿强不顧一切, 仍然以極速在巔簸的路上衝呀衝…  

咔啪~~ van的後門霍然打開了, 阿强從後鏡一望:  sh**, 車箱空空如也, 棺木跌了出去 

看看手錶, 已是零晨三時半, 假若不快快執回貨物, 恐怕來不及六時交貨, 總不能第一天上班就交白卷; 不理路上還有没有無頭人, 責任感重的阿强反射性地將貨van在寂静的路上調頭, 當車駛回車門彈開的那段路, 阿强下車用大光電筒搜尋, 幸而電筒一照, 他已經發現了滾到路旁的棺木: , sh**, 禍不單行, 棺蓋滾開了, 棺内空空如也

阿强定了定神, 堅决地要尋回少女的遺駭, 因為她客死異鄉已經夠不幸, 不能再要她曝屍荒野! 

Picture

這時已是四時半, 路上沒有屍體的踪影, 路旁又是長長的草叢; 阿强暗暗在心中祈求: 你乖乖地出黎啦, 我好快就可以車你返去香港架喇.  不知是祈求得值還是好彩, 電筒的光圈忽然照到一隻從草叢伸出來的惨白小手, 阿强走過去一看, 果然是少女的遺駭, 她靜靜地躺在那裏, 幸而一點損傷也没有.

Picture

早上六時, 阿强準時到達XX殯儀館, 一落車, 那裏的工作人員就叫他立刻打電話給老板 

老板: 阿强, 你做乜唔開手提呀? 

: aiya, 梳呢梳呢, 無晒電添; 

老板: , 咁就唔好意思嘞, 你要幫手再走多轉.  上面俾左個空棺你, 舊餡仲喺上面呀! 

:…@@@

Picture

End of this story

 


[30] Dozy

Dozy:多謝...不過要等阿仔好返D至攪 :)

Dozy :
噢!好得人驚喎~~快啲再出,好鍾意睇~~


[引用] | 作者 靚靚 | 20th Oct 2008 14:58 PM | [舉報垃圾留言]

[29]

噢!好得人驚喎~~
快啲再出,好鍾意睇~~

Dozy
[引用] | 作者 Dozy | 19th Oct 2008 06:51 AM | [舉報垃圾留言]

[28] Re: 靚靚
靚靚 :
Lucky Jo:嘩,又叫我諗起另一個真鬼故~~~過兩日至post~~~
Lucky Jo :呢度?!話說消防員收到電話要去個單位破門救人,據說係單位內有人自殺,所以要盡快去。當佢地一班手足搭Lift上去時,到達該層樓,Lift門一開,大家急急出去,呢個時候,前面有個女人亦非常急步衝入lift,大家都不以為意,望咗佢一眼就繼續前行。去到事發單位,破門而入,見到個有個女人上吊自殺,Police將佢...

好呀!! 快d啦,好心急呀!!

莎莉蛋糕
[引用] | 作者 莎莉蛋糕 | 17th Oct 2008 15:37 PM | [舉報垃圾留言]

[27]

嚇咗一跳。

Oasis
[引用] | 作者 Oasis | 17th Oct 2008 05:11 AM | [舉報垃圾留言]

[26] 水精靈

水精靈: Thank you, Thank you. I will try my breast...

水精靈 :
依! 呢個o.k.喎! 繼續努力~


[引用] | 作者 靚靚 | 16th Oct 2008 17:04 PM | [舉報垃圾留言]

[25]

依! 呢個o.k.喎! 繼續努力~

水精靈
[引用] | 作者 水精靈 | 16th Oct 2008 12:30 PM | [舉報垃圾留言]

[24] 貓奴Patsy

貓奴Patsy:好野wor,鬼故你都敢睇 :)

貓奴Patsy :
好驚啊~


[引用] | 作者 靚靚 | 16th Oct 2008 04:22 AM | [舉報垃圾留言]

[23]

好驚啊~

貓奴Patsy
[引用] | 作者 貓奴Patsy | 15th Oct 2008 21:39 PM | [舉報垃圾留言]

[22] 莎莉蛋糕

莎莉蛋糕:唔知呢...

莎莉蛋糕 :
係咪即係佢幫了另一個客死異鄉的"人"回香港?


[引用] | 作者 靚靚 | 15th Oct 2008 14:16 PM | [舉報垃圾留言]

[21] 盈祉

盈祉:多謝,鬼故通常有氣氛至驚D, woooo....

盈祉 :
D圖好勁呀!隻手幅圖最勁!正!氣氛一流!


[引用] | 作者 靚靚 | 15th Oct 2008 14:14 PM | [舉報垃圾留言]

[20] Lucky Jo

Lucky Jo:嘩,又叫我諗起另一個真鬼故~~~過兩日至post~~~

Lucky Jo :
呢度?!
話說消防員收到電話要去個單位破門救人,據說係單位內有人自殺,所以要盡快去。
當佢地一班手足搭Lift上去時,到達該層樓,Lift門一開,大家急急出去,呢個時候,前面有個女人亦非常急步衝入lift,大家都不以為意,望咗佢一眼就繼續前行。
去到事發單位,破門而入,見到個有個女人上吊自殺,Police將佢放落嚟,證實死咗,班消防員就望吓個女人,一睇!就係先前衝入lift的女人。係真事來呀...


[引用] | 作者 靚靚 | 15th Oct 2008 14:13 PM | [舉報垃圾留言]

[19]

係咪即係佢幫了另一個客死異鄉的"人"回香港?

莎莉蛋糕
[引用] | 作者 莎莉蛋糕 | 15th Oct 2008 11:24 AM | [舉報垃圾留言]

[18]

D圖好勁呀!隻手幅圖最勁!正!氣氛一流!

盈祉
[引用] | 作者 盈祉 | 15th Oct 2008 01:55 AM | [舉報垃圾留言]

[17] Re: 靚靚

呢度?!

話說消防員收到電話要去個單位破門救人,據說係單位內有人自殺,所以要盡快去。

當佢地一班手足搭Lift上去時,到達該層樓,Lift門一開,大家急急出去,呢個時候,前面有個女人亦非常急步衝入lift,大家都不以為意,望咗佢一眼就繼續前行。

去到事發單位,破門而入,見到個有個女人上吊自殺,Police將佢放落嚟,證實死咗,班消防員就望吓個女人,一睇!
就係先前衝入lift的女人。
係真事來呀!

所以成日話啲死咗的人,死果一刻都唔知自己死咗,係有實據。


[引用] | 作者 Lucky Jo | 14th Oct 2008 22:57 PM | [舉報垃圾留言]

[16] 阿草

阿草:驚丫嘛,呵呵!

阿草 :
最後一張相片,眼神好恐怖!


[引用] | 作者 靚靚 | 14th Oct 2008 18:43 PM | [舉報垃圾留言]

[15] Lucky Jo

Lucky Jo:好呀,講黎聽!

Lucky Jo :
Lucky Jo:真?唔係嘛!我聽過朋友一個故仔,講消防員,都幾恐怖咖,真人真事,因為佢係消防員,有冇興趣吖,好短咖啫,有咪話我知囉!嘿嘿嘿~


[引用] | 作者 靚靚 | 14th Oct 2008 18:41 PM | [舉報垃圾留言]

[14]

最後一張相片,眼神好恐怖!

阿草
[引用] | 作者 阿草 | 14th Oct 2008 11:09 AM | [舉報垃圾留言]

[13] Re: 靚靚
靚靚 : Lucky Jo:聽人講係真架...Lucky Jo :好好喎,估唔到原來咁....

真?唔係嘛!我聽過朋友一個故仔,講消防員,都幾恐怖咖,真人真事,因為佢係消防員,有冇興趣吖,好短咖啫,有咪話我知囉!嘿嘿嘿~


[引用] | 作者 Lucky Jo | 13th Oct 2008 19:25 PM | [舉報垃圾留言]

[12] Lucky Jo

Lucky Jo:聽人講係真架...

Lucky Jo :
好好喎,估唔到原來咁....


[引用] | 作者 靚靚 | 13th Oct 2008 18:06 PM | [舉報垃圾留言]

[11] 晶晶

晶晶:有D地方, 周圍執到XX... wooo~~~~

晶晶 :
嘩..睇完寒左一寒啦...


[引用] | 作者 靚靚 | 13th Oct 2008 18:05 PM | [舉報垃圾留言]

[10] cheez

cheez: 咪攪...

cheez :
鳴......等埋呀


[引用] | 作者 靚靚 | 13th Oct 2008 18:03 PM | [舉報垃圾留言]

[9] wingwing

wingwing:你話呢~~~~~~

wingwing :
嘩嘩嘩 ! 佢載了什麼呢 ??? 好驚啊 !


[引用] | 作者 靚靚 | 13th Oct 2008 18:02 PM | [舉報垃圾留言]

[8] 亞占

亞占:多謝,仲係真人真事改編添bor!

亞占 :
不錯呀, 夠晒驚嚇!


[引用] | 作者 靚靚 | 13th Oct 2008 18:01 PM | [舉報垃圾留言]

[7] 阿戴

阿戴: Ho Ho Ho....!

阿戴 :
哦.....


[引用] | 作者 靚靚 | 13th Oct 2008 17:59 PM | [舉報垃圾留言]

[6]

好好喎,估唔到原來咁....


[引用] | 作者 Lucky Jo | 12th Oct 2008 23:45 PM | [舉報垃圾留言]

[5]

嘩..睇完寒左一寒啦...

晶晶
[引用] | 作者 晶晶 | 12th Oct 2008 23:05 PM | [舉報垃圾留言]

[4]

鳴......等埋呀emotion

cheez
[引用] | 作者 cheez | 12th Oct 2008 22:53 PM | [舉報垃圾留言]

[3]

嘩嘩嘩 ! 佢載了什麼呢 ??? 好驚啊 !


[引用] | 作者 wingwing | 12th Oct 2008 20:05 PM | [舉報垃圾留言]

[2]

不錯呀, 夠晒驚嚇!

亞占
[引用] | 作者 亞占 | 12th Oct 2008 17:00 PM | [舉報垃圾留言]

[1]

哦.....

阿戴
[引用] | 作者 阿戴 | 12th Oct 2008 15:07 PM | [舉報垃圾留言]